Regionşünaslıq və Beynəlxalq münasibətlər fakültəsi aşağıda göstərilən BA proqramlarını təklif edir:             

a) Avropaşünaslıq (Böyük Britaniya, Fransa və Almaniya)

b) Amerikaşünaslıq (ABŞ)

c) skandinaviyaşünasliq (əsasən Norveç)

e) Orta Şərq və İsrailşünaslıq

f) Azərbaycanşünaslıq

g) Beynəlxalq münasibətlər

Fakültə adıçəkilən regionların beynəlxalq münasibətlər, qlobal siyasət, iqtisadiyyat, mədəni məsələlər, eyni zamanda tarix, coğrafiya, siyasət, iqtisadi həyat və mədəni prosesləri əks etdirən müasir material və ədəbiyyatla təchiz edilmişdir. Tədris prosesinə yüksək ixtisaslı mütəxəssislər və ekspertlər cəlb olunmuşlar. Tələbələr universitetə tez-tez mühazirəçi qismində təşrif buyuran məşhur yerli və xarici siyasi liderlər, ictimai xadimlər, diplomatic nümayəndələr və akademiklərlə ünsiyyət qurmaq imkanı əldə edirlər. Eyni zamanda tələbələr kitablar, jurnallar və regionda baş verən ən son ideyalar və analizləri özundə əks etdirən unikal mərkəzdən faydalana bilirlər. Tələbələr həmçinin Universitetdə fəaliyyət göstərən Amerika Mərkəzində, İsrail və Orta və Yaxın Şərq Mərkəzində, Skandinaviya Mərkəzində, Alman Oxu zalında mövcud olan materiallardan istifadə edirlər. Tədris proqramları beynəlxalq münasibətlər və müasir siyasət,  qlobal iqtisadi proseslər, regional məsələlər barədə nəzəri bilikləri əldə etməyə və onların analitik və tənqidi yanaşma tərzlərini inkişaf etdirməyə, araşdırma qabiliyyətlərini formalaşdırmağa xidmət göstərir.

Beynəlxalq münasibətlər üzrə olan proqram, eyni zamanda digər proqramlar milli və beynəlxalq təhlükəsizlik, davamlı bəşəri inkişaf, globallaşma, münaqişə həlli və diplomatik xidmət, beynəlxalq və yerli təşkilatlar barədə ətraflı məlumat toplama, psixologiya, məntiq, fəlsəfə, tarix, coğrafiya kimi ümumi təhsil sahəsində əsaslı biliklərə yiyələnmə, və tələbələrin dil qabiliyyətlərini və özünümüdafiə bacarıqlarını inkişaf etdirmək üçün hazırlanıb işlənmişdir. Bu proqramlar tələbələrə müvafiq ölkənin kompleks şəkildə, eyni zamanda müəyyən ölkələrlə əlaqələrini öyrənməyə imkan verir. Proqramlar regionun əsas dil vasitəsini və əlavə xarici dilləri öyrənmə prinsiplərini özündə əks etdirir.Bu proqram həmçinin tələbələri beynəlxalq münasibətlər və Azərbaycanın xarici siyasətinə həsr edilmiş üç aydan bir nəşr edilən jurnala və Gənc Diplomatlar Klubu vasitəsilə onları dəyirmi masalara, seminarlara cəlb etməklə onların analitik araşdırma bacarıqlarını inkişaf etdirir.

Azərbaycanşünaslıq ixtisasının proqramı Azərbaycan haqqında yerli və xarici tələbələrə ətraflı məlumat vermək üçün tərtib edilmişdir. Bu proqram  Azərbaycanı və Qafqaz regionunu tarixi və beynəlxalq münasibətlər, iqtisadi inteqrasiya, geosiyasət və mədəni tendensiyalar  nöqteyi nəzərindən ətraflı ətraflı məlumat verir. Xarici tələbələr üçün Azərbaycan dili bütün proqram boyu tədris olunur.

Dərslər aşağıdakı kafedralar tərəfindən işlənib hazırlanır:  

a) Beynəlxalq münasibətlər kafedrası

b) Regionşünaslıq kafedrası

c) Qərb dilləri kafedrası

d) Fəlsəfə kafedrası

c) Tarix kafedrası