Azərbaycan Dllər Universitetinin  ayrılmaz hissəsi olan Fransız dili fakültəsi öz inkişaf yoluna 1948-ci ildən başlamışdır. 1973-cü ildən bu günə qədər Fransız dili fakültəsi müstəqil fakültə kimi fəaliyyət göstərməkdədir.

2000-ci ildən başlayaraq fakültə sürətlə inkişaf etmişdir. Bu inkişaf “filyer” konsepsiyası ilə sıx bağlıdır. “Filyer” konkret olaraq fakültənin xsusi tədris planı əsasında fəaliyyət göstərməsini bildirir. İlk tədris planı Fransanın Strasburq şəhərində yerləşən Mark Blok Universitetinin ( hazırda Strasburq Universiteti) professoru cənab Jan-Kristof Pöla ilə birgə razılıq əsasında tərtib edilmiş və ilkin variantda yalnız ixtisas üzrə fənlər nəzərdə tutulmuş, 2009-2010-cu tədris ilindən başlayaraq isə bura ümumpeşə, ixtisas (o cümlədən seçmə) və xüsusi fənlər də əlavə edilmişdir ki, bu da həm Azərbaycan Respublikası, həm də Fransa tədris proqramlarının sintezini təşkil edir.

Azərbaycan Dillər Universitetinin rektoru, professor S.İ.Seyidovun səyi nəticəsində Fransadan tələb olunan dərslik və dərs vəsaitləri, audio və video kassetlər, CD və DVD-lər gətirilib istifadə üçün universitet kitabxanasına təhvil verilərək fakültədə müvafiq maddi-texniki baza yaradılmışdır.

Fransız dili fakülətsi ilə Fransanın Strasburq Universiteti arasında sıx əlaqələr mövcuddur. Bu, 1998-ci ildə müvafiq müqavilə əsasında qurulmuş əməşdaşlıqdır. Strasburq Universitetinin professorları Jan-Kristof Pöla ( o eyni zamanda ADU-nun fəxri professorudur) və Jan – Pol Meyer fakülə ilə fəal əməkdaşlıq edirlər. Hər il tədrisdə fərqlənən bir – iki məzun magistratura pilləsində təhsillərini davam etdirmək üçün Strasburq Universitetinə göndərilir.

Bu gün Fransız dili fakültəsində fransız dili ixtisası üzrə bakalavr, fransız dili, xarici dil və ədəbiyyatın tədrisi metodologiyası və metodikası ( fransız dili) ixtisasları üzrə magistrtura pillələri fəaliyyət göstərir.

Hazırda Fransız dili fakültəsi nəzdində iki kafedra fəaliyyət göstərir: Fransız dilinin fonetikası və ədəbiyyatın tədrisi metodologiyası və I kursda yazılı və şifahi nitq praktikası kafedrası, Fransız dilinin leksikologiyasl və üslubiyyəti kafedrası.

Fakültənin ali orqanı Fakültə Elmi Şurasıdır. 11 üzvü olan Şura ayda bir dəfə keçirilir və burada fakültənin fəaliyyətinə dair məsələlər müzakirə olunaraq müvafiq qərar qəbul  olunur.

 Fransız dili fakültəsində 211 бакалавр вя 15 маэистр тялябя тящсил алыр.

Fransız dili fakültəsi daim yeniləşmə, mükəmməlləşmə və axtarışlar şəraitində fəaliyyətini qurur. Bu gün fakültə Boloniya tədris proqramının əsas müddəalarını həyata keçirir. Yüz  ballıq qiymətləndirmə, kredit sisteminin tədbiqi, akademik borcların müvafiq şəkildə ləğv edilməsi, müəllimlərin fəaliyyətinin tələbələr tərəfindən dəyərləndirilməsi, seçmə fənlərin müəyyənləşdirilməsi və s. fakültənin gündəlik iş refimini təşkil edən göstəricilərdir.

Fakültənin Fransanın Azərbaycandakı Səfirliyi və Fransa Mədəniyyət Mərkəzi ilə əlaqələri xüsusi əhəmiyyətə malikdir. Fransa dili fakültəsi Dünya Frankofoniya günlərinin fəal iştirakçılarındandır.

Hazırda fakültədə 2 fransalı  müəllim çalışır.

Fakültə tələbələri Tələbə Elmi Cəmiyyətinin xətti ilə işə cəlb olunur. Universitetin Gənclər Təşkilatı hal hazırda gərgin fəaliyyət, xüsusi fəallıq göstərir və öz sıralarında fakültənin ən fəal tələbələrini birləşdirir. Fransız dili fakültəsinin gələcəyi etibarlı əllərdə - bu günki nizam-intizamlı, tərbiyəli, ağıllı savadlı, yüksək potensiala malik olan vətənpərvər tələbələrin əlindədir.