2№li İngilis dili fakültəsi artıq 10 ildir ki, fəaliyyət göstərir, o, pedaqoji təmayüllü fakültədir, bu fakültədə təhsil alan tələbələrin ixtisası İngilis dili müəllimidir.

Azərbaycan Dillər Universiteti (ADU) 2№li İngilis dili fakültəsinin bakalavr pilləsinin əyani şöbəsi üzrə 2010-2011-ci tədris ilində təhsil alan tələbə heyətinin mövcud tərkibi aşağıdakı kimidir:

I, II, III və IV kurs üzrə Azərbaycan və rus bölmələrində təhsil alan tələbələrin ümumi sayı 733 nəfərdir, bunlardan 332-si dövlət hesabına, 401-i isə ödənişli əsaslarla təhsil alır.

2010-2011-ci tədris ilində axşam şöbəsinə qəbul dayandırıldıqdan sonra, axşam şöbəsində təhsil II, III və IV-cü kurs üzrə həyata keçirilir. Axşam şöbəsi üzrə cari tədris ilində təhsil alan tələbə heyətinin mövcud tərkibi aşağıdakı kimidir:

II, III və IV kurs üzrə Azərbaycan və rus bölmələrində təhsil alan tələbələrin ümumi sayı 133 nəfərdir, bunlardan 38-i dövlət hesabına, 95- isə ödənişli əsaslarla təhsil alır.

Fakültə həm elmi, həm də ictimai baxımdan olduqca aktivdir. Fakültə daxilində fəal ictimai fəaliyyət göstərən Tələbə Həmkarlar Təşkilatı (THT), habelə tələbələri elmi fəaliyyətə cəlb edən Tələbə Elmi Cəmiyyəti (TEC) mövcuddur. Onlar istər fakültə rəhbərliyi, istərsə də universitetin ictimai işlərində yaxından iştirak edirlər.

2№li İngilis dili fakültəsinin tərkibində beş kafedra fəaliyyət göstərir:

1. İngilis dilinin qrammatikası kafedrası

2. İngilis dilinin leksikası və ölkəşünaslıq kafedrası

3. Xarici dillərin tədrisi metodikası kafedrası

4. Praktik alman dili kafedrası

5. Mülki müdafiə kafedrası.

Fakültədə adları qeyd olunan kafedraların müdirləri və aparıcı alimlərlə yanaşı Tələbə

Elmi Cəmiyyəti və Tələbə Həmkarlar Təşkilatlarının sədrlərindən ibarət fakültə şurası fəaliyyət göstərir.