Alman oxu zalı  Azərbaycan Dillər Universiteti ilə Almaniyanın Göte İnstitutu arasında əməkdaşlıq çərçivəsində yaradılıb.  Oxu zalının xidmətlərindən  alman dili və mədəniyyəti ilə maraqlanan hər bir şəxs istifadə edə bilər.  Alman oxu zalında  alman dilində olan kitablar, jurnallar və qəzetlər, həmçinin audio-video materiallar mövcuddur. Oxu zalında fəlsəfə, din, iqtisadiyyat, siyasət, təhsil, psixologiya, uşaq və gənclər ədəbiyyatı, tibb, incəsənət, tarix, qanun, coğrafiya və dil sahələrini əhatə edən 3659 mənbə var.  Bundan başqa oxu zalında 432 ədəd video, 355 ədəd audio materiallar, 17 qəzet və jurnal da oxucuların ixtiyarına verilib.