Hazırda 57 ölkədə Avstriya kitabxanası fəaliyyət göstərir. Azərbaycan Dillər Universiteti ilə Avstriyanın ölkəmizdəki səfirliyi arasında bağlanan müqaviləyə əsasən iyunun 23-də 2010- cu ildə Bakıda Avstriya kitabxanasının  açılışı oldu. Avstriyanın Azərbaycandakı səfiri xanım Silvia Mayer Kaybiç deyib “ Avstriya özünün böyük mədəniyyətinin təbliği ilə məşğuldur. Bu kitabxananın açılışı  iki ölkə arasındakı münasibətlərin inkişafına xidmət edəcək.” Müqaviləyə əsasən kitabxananın fonduna 3000-dək kitab və müxtəlif materiallar veriləcək. Eyni zamanda kitabxana əməkdaşlarının bir hissəsi ildə bir dəfə Vyanada dörd həftəlik təcrübə keçəcəklər. Kitabxana Avstriya səfirliyi və OMV səhmdar cəmiyyəti tərəfindən dəstəklənir. Kitabxana həmçinin danışıq klubları, kitab təqdimatları və başqa müxtəlif tədbirlər keçirilməsi üçün nəzərdə tutulub.