Skandinaviya Mərkəzi 

Skandinaviya mərkəzi Azərbaycan Dillər Universiteti tərəfindən Aqder və Oslo universitetləri ilə əməkdaşlıq nəticəsində 2007-ci il may ayının 3-də yaradılmışdır. Skandinaviya Mərkəzi Skandinaviya ölkələrində, xüsusilə Norveçdə baş verən siyasi, iqtisadi, mədəni situasiya ilə yaxından tanış olmaq üçün bir sıra lazımı təchizatlarla təmin olunmuşdur.

Mərkəz 2 birləşik otaqdan – 1 sinif otağı və 1 kitabxana və ofis kimi fəaliyyət göstərən otaqdan ibarətdir.

Kitabxana

Mərkəzdə həmçinin  kitabxana fəaliyyət göstərir. Kitabxanada təxminən 2500-3000–dən artıq kitab var. Kitabxana bədii kitablar bölməsinə və Skandinaviya və Norveç haqqında müxtəlif dərsliklər bölməsinə bölünmüşdür.  Kitablar əsasən ingilis, norveç dillərindədir və onlar Norveçdən gətirilmişdir. Bizim həmçinin DVD filmlərimiz, audio kitablarımız və dil və ədəbiyyat haqqında da kitablarımız mövcuddur. Son vaxtlar Skandinaviya Mərkəzi tələbələrin istifadəsi üçün Azərbaycan dilində Azərbaycan tarixi haqqında da bəzi kitablar almışdır. Evə verilməyən kitablar (bəzi lüğətlər, məqalələr) yalnız mərkəz daxilində istifadə üçün  və ya kseroks üçün nəzərdə tutulmuşdur. Kitablar isə 1 həftə müddətinə evə verilir. Hər bir tələbə mərkəzdən eyni zamanda 1 kitab və 1 DVD (CD) götürə bilər. Kitab rəflərindən əlavə mərkəzdə norveç dili müəllimləri və mərkəzin direktoru üçün 3 ədəd stol yerləşir. Hər bir işçi üçün internetə çıxışı olan kompüter var. Mərkəzdə həmçinin printer/scanner/çap maşını, əlavə laptop və proyektorda film və təqdimatlar göstərmək üçün təchizatlar da var.

Dərs otağı

Dərs otağında müəllimlər və tələbələr üçün nəzərdə tutulmuş 1 dəyirmi stol və 11 stul yerləşir. Əlavə olaraq burada tələbələr üçün 2 kompüter – 1 laptop və 1 adi kompüter var. Bir kompüterin internetə çıxışı var. Dərs otağında da tələbələrin istifadəsi üçün nəzərdə tutulmuş müxtəlif lüğətlər toplusu var. Orada həmçinin audio materialları dinləmək üçün və filmlərə baxmaq üçün televizor və CD/DVD pleyer mövcuddur. Dərs otağında overhead proyektor və tələbələrin tələffüz zamanı oxumağı üçün jurnallar və qəzetlər guşəsi yerləşir. Dərs ləvazimatı kimi burada ağ və qara lövhələr də istifadə olunur. Divarlarda Norveç haqqında gözəl rəsmlər və Avropanın, Norveçin və Skandinaviyanın xəritələri asılmışdır.