ATƏT-in Bakı ofisinin rəhbəri Koray Tarqay ADU-da mühazirə oxudu
22.02.2012

Fevralın 22-də Azərbaycan Dillər Universitetində  ATƏT-in Bakı ofisinin rəhbəri Koray Tarqay ADU-nun Regionşünaslıq və Beynəlxalq Münasibətlər fakültəsinin tələbələri ilə görüşdü. Görüşdə Regionşünaslıq və Beynəlxalq Münasibətlər fakültəsinin dekanı Məcid Əliyev, Beynəlxalq münasibətlər kafedrasının müdiri Samir Həmidov iştirak edirdi. Koray Tarqay Azərbaycanın ATƏT-ə üzv olmasının 20 illiyi ilə əlaqədar keçdiyi yol haqqında  mühazirə ilə çıxış etdi. Öncə ATƏT-in fəaliyyəti haqqında qısaca danışan Koray Tarqay  qurumun  57 üzvünün olduğunu bildirdi. O, hazırda ATƏT-in Bakı ofisində 50-ə yaxın əməkdaşın çalışdığını iştirakçıların nəzərinə çatdırdı.

ətraflı

Qarabağ probleminin xarici ölkələrdə təbliği
18.02.2012

Fevralın 18-də Azərbaycan Dillər Universitetində İngilis dilinin üslubiyyatı və nitq mədəniyyəti kafedrasının müdiri professor Mehparə Qaibovanın təşəbbüsü və həmin kafedranın müəllimi İradə Səmədovanın təşkilatçılığı ilə Azərbaycan Dillər Universiteti ilə Böyük Britaniyanın Essex universiteti arasında əməkdaşlıq çərçivəsində təhsil alan 1-ci və 2-ci kurs tələbələri ilə görüş keçirildi. Görüşdə Azərbaycan Respublikasının Qarabağ icmasının idarə heyətinin üzvü, millət vəkili Rövşən Rzayev və Azərbaycan Pedoqoji Universitetin prorektoru və adı çəkilən icmanın üzvü Mehdi Abdullayev iştirak edirdi.

ətraflı

Səməd Seyidov: “Xocalı faciəsinin günahkarları layiqli cəzalarını alacaqlar”
18.02.2012

 Yeni Azərbaycan Partiyasının (YAP) Nəsimi rayon təşkilatı Xocalı faciəsi ilə bağlı tədbir keçirdi

Azərbaycan Dillər Universitetində (ADU) YAP Nəsimi rayon təşkilatının təşkilatçılığı ilə Xocalı faciəsinə həsr edilmiş tədbir keçirildi. ADU-nun Azərbaycan tarixi kafedrasının laborantı, əslən Xocalıdan olan Ramil Quliyev Xocalı haqqında ümumi məlumat verərək 1992-ci il fevralın 26-da yaşanan faciələrdən danışdı. Yaşadığı ərazinin düşmən tərəfindən zəbt olunmasının, yaxınlarını faciəli şəkildə itirməyin ağır olduğunu deyən R. Quliyev  erməni azğınlarının törətdikləri cinayətlərin cəzasız qalmayacağına əminliyini ifadə etdi.

ətraflı

Yeni dərs vəsaiti
16.02.2012

              2011-ci ilin sonlarında “Təhsil” nəşriyyatında İngilis dilinin qrammatikası kafedrasının baş müəllimi Səadət Nuriyevanın “CERUND” adlı dərs vəsaiti çapdan çıxmışdır. Dərs vəsaiti Azərbaycan Dillər Universitetinin və ingilis dili tədris olunan digər universitetlərin ixtisas fakültələrinin tələbələri üçün yazılmışdır. Kitabdan həmin, eləcə də ingilis dili tədris olunan digər universitetlərin qeyri-ixtisas fakültələrinin tələbələri, magistrlar, özəl ali məktəb tələbələri, habelə ingilis dilini sərbəst şəkildə öyrənən hər bir kəs istifadə edə bilər.

ətraflı

ADU-nun professoru diplom və medalla təltif olundu
15.02.2012

Nigar Vəliyeva “Ən yaxşı tədqiqatçı alim” oldu

Fevralın 15-də Azərbaycan Dillər Universitetində (ADU) İngilis dilinin qrammatikası kafedrasının professoru Nigar Vəliyevaya “Avropa Nəşr Mətbuat Evi” tərəfindən diplom və medalın təqdim edilmə mərasimi keçirildi.  Mərasimdə “Avropa Nəşr Mətbuat Evi”nin direktoru Şöhrət Səlimbəyli, jurnalist Sahilə Mirzəqızı, Elmi işlər üzrə prorektor, professor Dünyamin Yunusov, ADU-nun Müəllim Azad Həmkarlar təşkilatının sədri Misgər Məmmədov, İngilis dilinin qrammatikası kafedrasının müdiri, dosent Leyla Cəfərova və həmin kafedranın professor-müəllim heyəti iştirak edirdi.

ətraflı

ADU diplomla təltif edildi
06.02.2012

Korrupsiyaya qarşı mübarizə sahəsində göstərdiyi təşəbbüs  və xidmətlərə görə

Sosial Hüquqların Monitorinq Qrupunun (SHMQ) təqdimatı əsasında “Regional İnsan Hüquqları və Ekologiya Müdafiə Mərkəzi” İctimai Birliyi Azərbaycan Dillər Universitetini (ADU) Korrupsiyaya qarşı mübarizə sahəsində göstərdiyi təşəbbüs  və xidmətlərə görə diplomla təltif edib. Bununla əlaqədar fevralın 6-da ADU Elmi Şurasının iclasında SHMQ-nun koordinatoru Azad İskəndərli diplomu rektor, millət vəkili, professor Səməd Seyidova təqdim etdi.

ətraflı

Erasmus Mundus Xarici Əməkdaşlıq Pəncərəsi (EMXƏP) proqramının təqdimatı oldu
28.01.2012

Azərbaycan Dillər Universitetinin İnformasiya Resurs Kompleksində (İRK) Erasmus Mundus Xarici Əməkdaşlıq Pəncərəsi (EMXƏP) proqramı çərçivəsində tədbir keçirildi. Kompleksin direktoru Şəhla Xudiyeva proqram haqqında iştirakçılara məlumat verdi. O, çıxışı zamanı bildirdi ki, bu proqramın tələbələr üçün böyük əhəmiyyəti var və geniş imkanlara malikdir. Ş. Xudiyeva bu proqramı keçənlərin Avropa universitetlərində pulsuz təhsil və təcrübə imkanı qazanacaqlarını qeyd etdi və  layihənin 48 ay davam edəcəyini vurğuladı.

ətraflı

ADU-da 20 yanvar faciəsi anıldı
19.01.2012

Yanvarın 19-da Azərbaycan Dillər Universitetində (ADU) 20 yanvar faciəsinin 22-ci ildönümünə həsr olunmuş tədbir keçirildi. Tədbirdən əvvəl universitetin tələbə-müəllim heyəti Şəhidlər Xiyabanını ziyarət edərək 20 yanvar şəhidlərinin məzarları önünə tər qərənfillər düzdülər. Anım mərasimi universitetin tələbəsi olmuş şəhid Ülvi Bünyadzadənin adını daşıyan muzey-lektoriyanın qarşısında oldu. ADU-nun rektoru, millət vəkili, professor Səməd Seyidov 1990-cı il 20 yanvar hadisələrindən 22 il keçdiyini bildirərək bu müddətin az olmadığını dedi. Hadisələri canlı yaşadıqlarını söyləyən ADU rektoru tədbirdə iştirak edən tələbələrin böyük əksəriyyətinin həmin hadisələr haqqında kitablardan, arxivlərdən öyrəndiklərini nəzərə çatdırdı.

ətraflı

İraq Respublikası parlamentinin xarici əlaqələr komitəsinin nümayəndələri ADU-da
18.01.2012

Yanvarın 18-də Azərbaycan Dillər Universitetinin (ADU) İnformasiya Resurs Kompleksində İraq Respublikası parlamentinin xarici əlaqələr komitəsinin sədri Hammam Hamudinin başçılıq etdiyi nümayədə heyətinin universitetin tələbələri ilə görüşü keçirildi. Nümayəndə heyəti Azərbaycan Dillər Universitetinin Regionşünaslıq və Beynəlxalq münasibətlər fakültəsinin Ərəbşünaslıq ixtisası üzrə təhsil alan tələbələrli və fakültənin professor-müəllim heyəti ilə görüşdülər. Tədbirdə  ADU-nun Regionşünaslıq və Beynəlxalq münasibətlər fakültəsinin dekanı Məcid Əliyev, Regionşünaslıq kafedrasının müdiri Sevdagül Əliyeva, Xarici dillər kafedrasının müdiri Salman Nuriyev, Regionşünaslıq və Xarici dillər kafedrasının müəllimləri iştirak edirdilər.

ətraflı

Səməd Seyidov Azərbaycanın Litva Respublikasına yeni təyin edilmiş səfirini qəbul etdi
17.01.2012

 Yanvarın 17-də Azərbaycan Dillər Universitetinin rektoru, millət vəkili, professor Səməd Seyidov Azərbaycan Respublikasının Litva Respublikasına yeni təyin edilmiş fövqəladə və səlahiyyətli səfiri Həsən Məmmədzadəni qəbul etdi. Görüşdə regional, həmçinin beynəlxalq mövzuda fikir mübadiləsi aparıldı. Eyni zamanda Azərbaycanla Litva arasında münasibətlərdən danışıldı, bu münasibətlərin möhkəmlənməsinə əminlik ifadə edildi. Bildirildi ki, iki ölkə arasında bütün sahələrdə əlaqələr yüksələn xətlə inkişaf edir. Rektor S. Seyidov yeni təyin edilmiş səfirə gələcək fəaliyyətində uğurlar arzuladı.

ətraflı

..: Arxiv :..