|
Yanvarın 18-də Azərbaycan Dillər
Universitetinin (ADU) İnformasiya Resurs
Kompleksində İraq Respublikası
parlamentinin xarici əlaqələr
komitəsinin sədri Hammam Hamudinin
başçılıq etdiyi nümayədə heyətinin
universitetin tələbələri ilə görüşü
keçirildi. Nümayəndə heyəti Azərbaycan
Dillər Universitetinin Regionşünaslıq və
Beynəlxalq münasibətlər fakültəsinin
Ərəbşünaslıq ixtisası üzrə təhsil alan
tələbələrli və fakültənin professor-müəllim
heyəti ilə görüşdülər. Tədbirdə ADU-nun
Regionşünaslıq və Beynəlxalq
münasibətlər fakültəsinin dekanı Məcid
Əliyev, Regionşünaslıq kafedrasının
müdiri Sevdagül Əliyeva, Xarici dillər
kafedrasının müdiri Salman Nuriyev,
Regionşünaslıq və Xarici dillər
kafedrasının müəllimləri iştirak
edirdilər.
Tədbirdə çıxış edən Məcid Əliyev
qonaqları salamlayaraq, dekanı olduğu
fakültənin tarixi haqqında məlumat verdi.
O, fakültədə 11 ixtisasın tədris
olunduğunu qeyd edərək, Ərəbşünaslıq
ixtisasının yeni açıldığını bildirdi. Bu
il bu ixtisas üzrə ilk tələbələrin
təhsil aldığını sözlərinə əlavə etdi.
Fakültə dekanı öz çıxışında : “
Məqsədimiz dünyanın aparıcı dövlətləri
haqqında tələbələrə daha geniş məlumat
vermək və bu dövlətlərin dillərini
onlara mükəmməl şəkildə öyrətməkdir”-
deyə vurğuladı.
Daha sonra çıxış edən İraq Respublikası
parlamentinin xarici əlaqələr
komitəsinin sədri Hammam Hamudi onlara
göstərilən qonaqpərvərliyə görə ADU
rəhbərliyinə minnətdarlığını ifadə etdi.
Azərbaycan Dillər Universitetində
olmaqdan və Ərəbşünaslıq ixtisası üzrə
təhsil alan tələbələrlə görüşməkdən
məmnun olduğunu bildirdi. O: ” Biz Ərəb
dilinin mükəmməl öyrədilməsi üçün
universiteti müxtəlif dərsliklərlə təmin
edə bilərik. Həmçinin tələbələr üçün dil
kursları təşkil edərik”- deyə vurğuladı.
Görüşdə çıxış edən Nümayəndələr
Şurasının üzvü Jale Yunus Neftçi gözəl
qarşılanmaya görə minnətdar olduğunu
qeyd etdi. İraq Respulikası ilə
Azərbaycan arasında münasibətlərin daha
da inkişaf etdiyini bildirdi. Ərəb
dilini öyrənən tələbələrin gələcəkdə
Azərbaycanı müxtəlif Ərəb ölkələrində
layiqincə təmsil edəcəklərinə ümid
etdiyini dedi.
Regionşünaslıq kafedrasının müdiri
Sevdagül Əliyeva : “ Bizim İraq və digər
ərəb ölkələri haqqında kifayət qədər
məlumatımız var. Lakin Ərəb dilinin
mükəmməl öyrədilməsi üçün müəllimlərə
ehtiyac hiss olunur.”-deyə qeyd etdi.
Bunun üçün ADU-nun müəllimlərinin İraq
və digər Ərəb ölkələrində kurs
keçmələrinin eyni zamanda həmin
ölkələrdən də Azərbaycana müəllimlərin
gəlməsinin məqsədəuyğun hesab etdiyini
bildirdi.
Sonda
İraq Respublikası
parlamentinin xarici əlaqələr
komitəsinin sədri Hammam Hamudi müəllim və
tələbələrə gələcək işlərində uğurlar
arzuladı. |
