|
Fevralın 22-də Azərbaycan Dillər
Universitetində ATƏT-in Bakı ofisinin
rəhbəri Koray Tarqay ADU-nun
Regionşünaslıq və Beynəlxalq
Münasibətlər fakültəsinin tələbələri ilə
görüşdü. Görüşdə Regionşünaslıq və
Beynəlxalq Münasibətlər fakültəsinin
dekanı Məcid Əliyev, Beynəlxalq
münasibətlər kafedrasının müdiri Samir
Həmidov iştirak edirdi.
Koray Tarqay Azərbaycanın ATƏT-ə üzv
olmasının 20 illiyi ilə əlaqədar keçdiyi
yol haqqında mühazirə ilə çıxış etdi.
Öncə ATƏT-in fəaliyyəti haqqında qısaca
danışan Koray Tarqay qurumun 57
üzvünün olduğunu bildirdi. O, hazırda
ATƏT-in Bakı ofisində 50-ə yaxın
əməkdaşın çalışdığını iştirakçıların
nəzərinə çatdırdı. Ofisin rəhbəri
Azərbaycanın ATƏT-ə 1992-ci ildə üzv
olmasına baxmayaraq həyata keçirdiyi
layihələri 2000-ci ildən etibarən
gücləndirdiyini qeyd etdi.
Koray Tarqay ATƏT-in həyata keçirdiyi
digər layihələr haqqında tələbələrə
məlumat verdi. Hər il 80-90-a yaxın
layihə hazırlandığını və bunların çoxuna
müsbət cavab aldıqlarını dedi. O, keçən
il Azərbaycanda gənclər üçün təşkil
olunmuş bir neçə layihə haqqında danışdı
və tələbələrə belə layihələrdə iştirak
etmələrini məsləhət gördü. Bundan başqa
ATƏT-in Bakı ofisinin rayonlarda da
xidmət göstərdiyini vurğuladı.
Tədbirdə çıxış edən fakültə dekanı Məcid
Əliyev ofisin rəhbərinə təşəkkürünü
bildirdi və Azərbyacan Dillər
Universitetində görməkdən məmnun
olduğunu qeyd etdi. Mühazirənin
tələbələr üçün əhəmiyyətli olduğunu
bildirdi.
Sonda tələbələrin sualları
cavablandırıldı. |
