Azərbaycan Dillər Universitetinin Pakistan Mədəniyyət Mərkəzi tərəfindən tələbələr arasında “Zəfər günü”nə həsr olunmuş, “Qələbəyə aparan yol” mövzusunda inşa müsabiqəsi elan edilir.

Müsabiqəyə təqdim olunan inşa 2-3 səhifə həcmində, Azərbaycan, urdu, rus və ingilis dillərindən birində (A4, Arial qarnituru, şriftin ölçüsü 12 pt və interval 1,5) olmalıdır.

İnşalar 2023-cü il oktyabrın 31-dək ADU-nun Pakistan mədəniyyət mərkəzinin elektron poçt ünvanına (pakculturalcenterbaku@gmail.com) göndərilməlidir.
Müsabiqədə yalnız ADU-nun tələbə və magistrantları iştirak edə bilərlər.

 

Təqdim olunmuş inşalar Müsabiqə komissiyası tərəfindən qiymətləndiriləcək. Qaliblər isə üç dərəcə üzrə sertifikat və pul mükafatları ilə təltif ediləcəkdir:
• Birinci yer - 200 manat
• İkinci yer - 150 manat
• Üçüncü yer - 100 manat

Müsabiqənin nəticələri və mükafatlandırılma  noyabr ayının əvvəllərində  elan ediləcək.
Əlavə məlumat üçün: (+994 70) 540 65 65